Ýew­ro­pa­nyň öň­de­ba­ry­jy çem­pio­nat­la­ryn­da wag­tal-wag­tal ga­ra­şyl­ma­dyk çem­pi­on­lar ýü­ze çyk­ýar ýa-da kä­ma­hal­lar pes ha­sap­lan­ýan klub­lar çem­pi­on­lyk ug­run­da gö­re­şe go­şul­ýar. Esa­sa­nam, Is­pa­ni­ýa­nyň «La Li­ga­sy» çem­pi­on­lyk gö­re­şi­niň 2 ýa-da 3 klu­buň ara­syn­da­ ge­çi­ril­ýän ýe­ri bo­lup, şu möw­süm­de ga­ra­şyl­ma­dyk to­par peý­da bol­dy. Çem­pio­nat­da «Re­al Mad­rid» bi­len «Bar­se­lo­na» to­par­la­ry­nyň öza­ra gö­reş­i­ne, kä­ma­hal «At­le­ti­ko Mad­rid» to­pary­ hem go­şul­ýar. Ýö­ne şu möw­süm­de «La Li­ga­da» baş­dan ge­çi­ren möw­sü­mi en­tek 5-e hem ýet­me­dik «Ži­ro­na» to­pa­ry­nyň ga­ra­şyl­ma­dyk gö­re­şi hem­me­le­ri haý­ran gal­dyr­ma­gy­ny do­wam ed­ýär. To­par edil hä­zir­ki wagt­da 1 oý­ny ar­tyk «La Li­ga­da» 1-nji orun­da bar­ýar.
Ge­çen to­mus­da trans­fe­re 20 mil­li­on ýew­ro go­laý ma­ýa go­ýan klu­buň «La Li­ga» bi­len ta­nyş bo­la­ny­na köp wagt geç­me­di. Mun­dan 25 ýyl ozal 5-nji li­ga­da çy­kyş ed­ýän klub 2016/17 möw­sü­min­de 2-nji li­ga­da 2-nji ýe­ri eýe­läp, esas­lan­dy­ry­la­nyn­dan 87 ýyl soň, 2017/18 möw­sü­min­de «La Li­ga» beý­gel­ýär we şol möw­süm çem­pio­na­ty 10-njy orun­da ta­mam­la­ýar. 1 möw­süm­den so­ňam 18-nji or­ny eýe­läp, «La Li­ga» bi­len hoş­laş­ýar. 3 ýyl 2-nji li­ga­da 5–6-njy orun­la­ry eýe­le­ýär. 2021/22 möw­sü­min­de pleý-off­lar­da ýe­ňiş ga­za­nan klu­buň ug­ry tä­ze­den «La Li­ga» düş­ýär. 2-nji sy­na­ny­şy­gy­nyň il­kin­ji möw­sü­min­de-de 10-njy or­ny eýe­le­ýär. «La Li­ga­da­ky» 2-nji baş­dan­ge­çir­me­si­niň 2-nji möw­sü­min­de bol­sa to­par çem­pi­on­ly­ga ko­wa­laş­ýan klub­la­ryň bi­ri bol­ýar…
«Ži­ro­na» klu­by mun­dan 93 ýyl ozal, ýag­ny 1930-njy ýy­lyň 23-nji iýu­lyn­da esas­lan­dy­ryl­ýar. Is­pa­ni­ýa­nyň Ka­ta­lo­ni­ýa se­bi­ti­niň we­ki­li bo­lan Ži­ro­na şä­he­ri­niň ady­bir klu­by 1980-nji ýy­la çen­li 2–3-nji li­ga­da çy­kyş ed­ýär. Soň­ra 4-nji li­ga or­na­şyp, ara­syn­da 5-nji li­ga bi­len hem ta­nyş bol­ýar. 1990-njy ýyl­la­ryň ag­ram­ly bö­le­gi­ni 3-nji li­ga­da ge­çir­se-de, 1997/98, 1998/99 möw­süm­le­ri­ni 5-nji li­ga­da oý­na­ýar. Tä­ze asy­ryň il­kin­ji 10 ýy­ly­nda 4-nji we 3-nji li­ga­la­ryň ara­syn­da gat­na­ýar. 2008/09 möw­sü­min­de bol­sa 2-nji li­ga çy­kyp, tä «La Li­ga» beý­gel­ýän­çä bu ýe­riň otu­rym­ly klub­la­ry­nyň bi­ri­ne öw­rül­ýär.
Klub umu­my­lyk­da 2-nji li­ga­da (Se­gun­da Division) 24, 3-nji li­ga­da (Se­gun­da Division B) 13, 4-nji li­ga­da (Tercera Division) 44 ýyl, 5-nji li­ga­da (Cate­gorías Re­gio­na­les) 3 möw­süm ge­çir­ýär.
«La Li­ga­da­ky» 4-nji möw­sü­mi­ni baş­dan ge­çir­ýän klu­buň ta­ry­hy­na ser sal­sak, ga­za­nan ku­bok­la­ry­nyň sa­ny iki eliň bar­mak­la­ry­nyň sa­ny­ny ge­çe­nok. 2007/08 möw­sü­min­de 3-nji li­ga­da ga­za­ny­lan çem­pi­on­lyk, şeý­le-de 4-nji li­ga­da 5 ge­zek çem­pi­on bo­lan klu­buň mu­ze­ýin­de 2019-njy ýyl­da Ka­ta­lon­iýa­nyň Su­per Ku­bo­gy hem bar. 2017-nji ýy­lyň aw­gus­tyn­da klu­buň ta­ry­hyn­da tä­ze sa­hy­pa açyl­ýar. Arap kom­pa­ni­ýa­sy «City Fo­ot­ball Group», ýag­ny dü­zü­min­de «Man­çes­ter Si­ti» we baş­ga-da on­lar­ça klu­by jem­le­ýän Bir­le­şen Arap Emir­lik­le­ri­niň kom­pa­ni­ýa­sy klu­buň ag­ram­ly paý­na­ma­sy­ny (47 gö­te­ri­mi­ni) sa­tyn al­ýar.
«Ži­ro­na» to­pa­ry öz ýer­li du­şu­şyk­la­ry­ny şä­her­dä­ki 14 müň 624 orun­lyk «Es­ta­dio Mu­nicipal de Mon­ti­livi» sta­dio­nyn­da ge­çir­ýär. Klu­buň la­ka­my «Blanquiver­mells» bo­lup, ol ak-ga­ra­lar diý­me­gi aň­lad­ýar. Klu­buň ýaş­lar dü­zü­mi, şol san­da pro­fes­sio­nal bol­ma­dyk ze­nan­lar to­pa­ry hem bar.
Klu­buň ta­ry­hyn­da iň köp du­şu­şyk ge­çi­ren fut­bol­çy­sy bol­mak ug­run­da 3 fut­bol­çy­nyň ara­syn­da ýi­ti gö­reş do­wam ed­ýär. Hä­zir­lik­çe 2016-njy ýyl­dan bä­ri çy­kyş edip gel­ýän Hu­an­pe 234 du­şu­şyk bi­len 1-nji ýe­ri eýe­le­ýär. Bor­ha Gar­si­ýa­nyň 233, urug­waý­ly hü­jüm­çi Kris­ti­an Stua­ni­niň 232 du­şu­şy­gy bar. 3 oýun­çy-da klub­da çy­kyş edip, bu gör­ke­zi­ji­niň is­len­dik wag­ty üýt­ge­me­gi müm­kin. Klub­da iň köp gol ge­çi­ren fut­bol­çy we­te­ran hü­jüm­çi Kris­ti­an Stua­ni­dir. Urug­waý­ly 37 ýa­şyn­da­ky oýun­çy 2017-nji ýyl­dan bä­ri klub­da çy­kyş edip gel­ýär we je­mi 124 ge­zek ta­pa­wut­la­nyp, 2–3-nji ýer­ler­dä­ki fut­bol­çy­lar­dan ep-es­li (85 gol­dan ýo­ka­ry) öň­de bar­ýar.
Klu­ba hä­zir­ki wagt­da 2021-nji ýy­lyň iýu­lyn­dan bä­ri is­pa­ni­ýa­ly hü­när­men Mi­çel tä­lim ber­ýär. 2017-nji ýyl­da tä­lim­çi­li­ge baş go­şan 48 ýa­şyn­da­ky hü­när­men mun­dan öň «Ra­ýo Wal­le­ka­no» hem-de «Hu­es­ka» to­par­la­ry­na tä­lim be­rip­di. Do­ly ady Mi­çel San­çes Mu­noz bo­lan tä­lim­çi hä­zir­ki wagt­da klu­ba hü­jüm fut­bo­ly­ny oý­nad­ýar. Tä­lim­çi şu möw­süm­de wag­tal-wag­tal 4, kä­ma­ha­l bol­sa 3 go­rag­çy bi­len meý­dan­ça çyk­dy. To­pa­ryň oýun tak­ti­ka­sy 3–1–6 ýa-da Gu­ar­dio­la­nyň meş­hur tak­ti­ka­sy 3–2–4–1 hök­mün­de bo­lup, oý­nuň ýag­da­ýy­na gö­rä bu üýt­ge­ýär. Tö­wek­gel­çi­lik­den çe­kin­me­ýän Mi­çe­liň şä­girt­le­ri «La Li­ga­da» to­pa eýe­­lik et­mek­de hem-de öza­ra ta­kyk pas­laş­mak­da öň­dä­ki 5-li­ge gir­ýär we bu ýag­daý hem ola­ryň oý­na erk et­me­gi ba­şar­ýan­dyk­la­ry­ny aň­lad­ýar.
Mi­çel to­pa­ry ta­ry­hyn­da 2-nji ge­zek «La Li­ga» çy­ka­ran tä­lim­çi bo­lup, klub iň ýo­ka­ry li­ga­nyň he­mi­şe­lik we­kil­le­ri­niň bi­ri bol­mak is­le­ýär­di. Il­kin­ji möw­sü­min­de li­ga­da gal­mak üçin gö­re­şen to­par bu ýag­da­ýy ýe­ňil­lik bi­len geç­di. Tä­ze möw­sü­me baş­lan­la­ryn­da-da ýe­ne esa­sy mak­sat li­ga­da gal­mak­dy. Ýö­ne klub hä­zir­ki wagt­da öz ta­ma­la­ry­ny aň­ry­ýa­ny bi­len ýe­ri­ne ýe­tir­ýär. Möw­sü­me myh­man­çy­lyk­da «Re­al So­sie­dad» bi­len deň­me-deň oý­nap baş­lan klu­buň 2-nji tap­gyr­dan şe­ma­ly be­lent­den öw­süp ug­ra­dy. El­bet­de çem­pio­nat­da­ky ge­çi­ril­jek du­şu­şyk­la­ryň ter­ti­bi hem «Ži­ro­na» üçin ýe­ňil düş­di.
Klub şu wag­ta çen­li ge­çi­ren 20 du­şu­şy­gyn­da 15 ýe­ňiş ga­zan­dy. 4 ge­zek deň­me-deň oý­nap, 1 sa­par hem ýeň­li­şe se­ze­war bol­dy. «Ži­ro­na­ny» ýe­ňen ýe­ke-täk klub «Re­al Mad­rid» bo­lup, ka­ta­lon­lar şol oýun­da 3–0 ha­sa­byn­da as­gyn ge­lip­di. To­par Ka­ta­lo­ni­ýa der­bi­sin­de «Bar­se­lo­na­ny» myh­man­çy­lyk­da 4–2, öz meý­dan­ça­syn­da «At­le­ti­ko Mad­ri­di» ta­ry­hy du­şu­şyk­da 4–3 ha­sap­lar bi­len ýeň­li­şe se­ze­war et­di. Öz meý­dan­ça­syn­da «At­le­tik Bil­bao» bi­len, myh­man­çy­lyk­da «Re­al So­sie­dad», «Be­tis» hem-de soň­ky tap­gyr­da «Al­me­ri­ýa» bi­len deň­me-deň oý­nan klu­buň iň ne­ti­je­li oýun­çy­sy uk­rai­na­ly Ar­tem Dow­byk bo­lup, ol çem­pio­nat­da 11 gol ge­çir­di. Klub ony ge­çen to­mus­da «Dnepr-1» klu­bun­dan trans­fer edip­di.
We­te­ran hü­jüm­çi Kris­ti­an Stua­ni­niň 6, bra­zi­li­ýa­ly Sa­wio­nyň 5, Ýan­hel Her­re­ra­nyň, Iwan Mar­ti­niň 4 gol­luk go­şant­la­ry bar. To­pa­ryň esa­sy ýyl­dyz­la­ryn­dan, az du­şu­şyk ge­çi­re­nem bol­sa bir dö­wür­ler «Man­çes­ter Si­ti­de» çy­kyş eden Aleiks Gar­si­ýa üçin trans­fer tek­lip­le­ri­niň yzy üzü­le­nok. Deý­li Blind, Wik­tor Sy­gan­kow, Mi­gu­el Gu­ti­er­res, Pau­lo Gaz­za­ni­ja, Por­tu, Wa­le­riý Fer­nan­des, Ýan Kou­to ýa­ly fut­bol­çy­la­ryň hem klu­buň şu möw­süm­dä­ki ba­şar­ny­gy­na go­şan­dy diý­seň ulu­dyr.
Klu­buň çem­pi­on­ly­gy ga­za­nyp ga­zan­ma­jak­dy­gy hä­zir­lik­çe nä­bel­li. «Bar­se­lo­na­dyr» «At­le­ti­ko» bi­len ara­ny bir­ne­me açan klu­buň çem­pi­on­lyk ug­run­da­ky esa­sy bäs­de­şi hä­zir­lik­çe «Re­al Mad­rid» to­pa­ry bo­lup, çem­pi­on­lyk ga­zan­an ýag­da­ýyn­da, di­ňe bir «La Li­ga­nyň» däl, eý­sem, Ýew­ro­pa­nyň, hat­da Dün­ýä fut­bo­ly­nyň sa­hy­pa­la­ryn­da hem iň uly ta­ry­hy ba­şar­nyk bo­lar. Ga­zan­ma­dyk ýag­da­ýyn­da-da klu­buň gör­ke­zen bu ne­ti­je­si ta­ry­hyň sa­hy­pa­la­ry­na al­tyn harp­lar bi­len ýa­zy­lar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА