Hem çempionatda, hem-de Çempionlar Ligasynda garaşylyşyndan pes çykyş edýän Angliýanyň “Mançester Siti” topary gyşky transfer möwsüminiň iň işjeň kluby hökmünde çykyş edýär. 2 sany ýaş goragçy üçin 75 million ýewrodan gowrak çykdajy eden Pep Guardiolanyň kluby hüjümine hem güýç goşdy. Iňlis kluby “Bundesliganyň” wekili “Aýntrahtyň” marokkoly hüjümçisi Omar Marmuşy 70 million ýewro we goşmaça tölegler bilen düzümine goşandygyny resmi ýagdaýda mälim etdi. 25 ýaşyndaky hüjümçi iňlis kluby bilen 4,5 ýyllyk şertnama baglaşdy. Marmuş “Aýntrahtda” şu möwsümde 26 oýunda 20 gol geçirip, 14 goluň pasyny berdi. Marmuş “Aýntrahtdan” öň “Wolsfburgda”, “Sankt-Pauli” hem-de “Ştutgart” toparlarynda-da kärendesine çykyş edipdi. Marmuş täze klubunda 7-nji belgili köýnekçäni geýer.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА