Joni lakamy bilen tanalýan meşhur azerbaýjan-rus aýdymçysy (Jahid Afrail ogly Hüseýnli) ilkinji gezek konsert maksatnamasy bilen Aşgabada geler. 2019-njy ýylda uly sahna çykan Jahid Afrail ogly Hüseýnli gysga wagtda köp sanly muşdaklarynyň ýüreginde orun  aldy. Köpler ony NTW rus kanalyndaky “Maska” teleşüweleňiniň ikinji möwsüminde ýeňiş gazanandan soň tanap ugradylar. Maglumatlara görä, onuň çykyşy 27-nji dekabrda meýilleşdirilýär.

Bu Aşgabat şäheriniň ýaşaýjylary üçin ýeke-täk garaşylmadyk Täze ýyl sowgady däldir. Ýurdumyzda ozal hem çykyş edip gelýän meşhur aýdymçylar – Nyuşa we Dima Bilan hem öz aýdymlary bilen köpüň göwnüni awlar. Olaryň konsertleri 25-nji dekabrda meýilleşdirilýär.

Meşhur türk ýerine ýetirijileri – aýdymçy Irem Derijä we Mustafa Sandala hem Aşgabatda garaşylýar. Ýeri gelende belläp geçsek, olar mundan öň hem türkmen paýtagtyna konsert maksatnamasy bilen gelipdiler. Mustafa Sandal diňe bir Türkiýede däl, eýsem bütin dünýäde iň meşhur aýdymçylaryň biri bolup, albomlary 17 milliondan gowrak nusgada satyldy.

Internet maglumatlary esasynda taýýarlan:

Oguljeren Bakaşowa, Etrek etrap çagalar sungat mekdebiniň bagşy mugallymy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА