ABŞ-nyň Prezidenti Donald Tramp Russiýanyň Prezidenti Wladimir Putin bilen özi üçin oňaýly islendik wagtda duşuşmaga taýýardygyny aýtdy. Ak tamda žurnalistler bu barada soranlarynda “Biz olaryň islän wagty duşuşyp bileris” diýip Tramp jogap berdi.
Tramp 20-nji ýanwarda Amerikanyň Birleşen Ştatlarynyň Prezidenti wezipesine girişdi. Ol Ak Tamda geçirilen metbugat maslahatynda žurnalistlere Putin bilen söhbetdeşliginiň ýakyn wagtda bolup biljekdigini aýtdy.
Mundan öň CNN öz çeşmelerine salgylanyp, Trampyň öz toparyna kasam kabul edişlik dabarasyndan soň ilkinji günlerde rus lideri bilen telefon arkaly gepleşik geçirmegini gurnamagy tabşyrandygyny habar berdi. Russiýanyň lideriniň metbugat sekretary Dmitriý Peskow bu maglumatlara düşündiriş berip, Putin bilen Trampyň arasynda telefon söhbetdeşligine heniz taýynlyk görülmeýändigini aýtdy.
Putin bilen Tramp iň soňky gezek 2020-nji ýylyň 23-nji iýulynda telefon arkaly gepleşipdiler.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА