Argentina Halkara Atom Energiýasy Agentliginiň (HAEG) Baş direktory Rafael Grossini resmi taýdan BMG-niň Baş sekretary wezipesine hödürledi. Ýurduň Daşary işler ministrligi bu mesele boýunça beýanat ýaýratdy. “Argentina Respublikasy HAEG-niň häzirki Baş direktory Rafael Grossiniň dalaşgärligini 2027–2031-nji ýyllar aralygynda BMG-niň Baş sekretary wezipesine hödürlemek hormatyna eýedir” diýlip, beýanatda aýdylýar.
Argentinanyň Daşary işler ministrliginiň beýanatynda Grossiniň “konfliktlerde we çynlakaý halkara krizislerinde diplomatik gepleşikleri ösdürmek ukybyny” görkezendigi we bu aýagdaýyň ony BMG-niň Baş sekretary wezipesine laýyk dalaşgär bolmaga mümkinçilik berendigi bellenilýär.
BMG-de resmi taýdan onunjy Baş sekretary saýlamak prosesi başlady. BMG-niň Baş sekretary wezipesine dalaşgärler agza döwletler tarapyndan hödürlenýär, her ýurduň diňe bir dalaşgär hödürlemäge hukugy bar. Baş sekretaryň saýlanyş prosesi 2026-njy ýylyň iýul aýynyň ahyryna meýilleşdirildi. Golaýda Rafael Grossi we Birleşen Milletler Guramasynyň Söwda we Ösüş boýunça Konferensiýasynyň Baş sekretary Rebekka Grinspen dünýä guramasynyň başlygy wezipesine dalaşgär bolmak niýetlerini yglan etdiler.
Baş sekretar BMG-niň Howpsuzlyk Geňeşi tarapyndan saýlanýar we Baş Assambleýa tarapyndan tassyklanýar. Olaryň ygtyýarlyk möhleti bäş ýyl bolup, täzeden saýlanmaga mümkinçiligi bar. Möhletde çäklendirme ýok, ýöne mundan öň hiç kim bu wezipäni 10 ýyldan köp eýelemedi. Öňden dowam edip gelýän tejribä görä, BMG-niň Baş sekretary Russiýa, Beýik Britaniýa, Hytaý, ABŞ we Fransiýa ýaly Howpsuzlyk Geňeşiniň hemişelik agzalarynyň arasyndan saýlanmaýar. BMG-niň häzirki Baş sekretary Antonio Guterreşiň ygtyýarlyk möhleti 2026-njy ýylyň 31-nji dekabrynda gutarýar.

Gyzykly bolup bilerЕЩЕ ОТ АВТОРА