“Real” 30-njy gezek ýarym finalda, “Liwerpul” möwsümi kuboksyz tamamlar

152
LIVERPOOL, ENGLAND - APRIL 14: Eder Militao of Real Madrid celebrates victory with team mates following the UEFA Champions League Quarter Final Second Leg match between Liverpool FC and Real Madrid at Anfield on April 14, 2021 in Liverpool, England. Sporting stadiums around the UK remain under strict restrictions due to the Coronavirus Pandemic as Government social distancing laws prohibit fans inside venues resulting in games being played behind closed doors. (Photo by Michael Regan/Getty Images)

UEFA Çempionlar ligasynda ýarym finalçylaryň hemmesi belli boldy. Düýn gijeki oýunlarda-da birinji duşuşyklarda artykmaçlyk görkezen toparlar ýarym finala çykdy.

Madridde 3-1 utulan “Liwerpul” öz meýdançasynda “Realy” kabul etdi. Çekeleşikli geçen oýunda ýer eýeleri ilkinji minutlardan başlap örän amatly pursatlary elden giderdi. Şeýlelikde, golsuz tamamlanan oýundan soň “Real Madrid” 2 ýyllyk arakesmeden soň ýarym finala adyny ýazdyrdy. 2011-2018-nji ýyllar aralygynda yzly-yzyna 8 gezek ýarym finala çykan “Real Madrid” ýaryş Çempionlar ligasyny alany bäri 14-nji sapar iň gowy dörtlüge düşmegi başardy. Umumylykda bolsa UEFA-nyň birinji derejeli klub bäsleşiginde 30-njy gezek ýarym finalda oýnamaga hukuk gazandy.

Angliýadaky bäsleşikleriň ählisinde-de çempionlygyň daşynda galan Liwerpul möwsümi kuboksyz tamamlar. “Liwerpul” 2021-nji ýyla geçip, “Anfield”-däki 9-njy duşuşygynyň 7-sinde gol geçirip bilmedi.

“Real Madrid” 27-28-nji aprelde oýnaljak ýarym finalda başga bir iňlis kluby “Çelsi” bilen duşuşar.

Gyzykly bolup bilerЕЩЕ ОТ АВТОРА