Geçen möwsümi kuboksyz tamamlan Ispaniýanyň “Real Madrid” topary tomusky 4-nji transferini düzümine goşdy. Ispan kluby Portugaliýanyň “Benfika” toparyndan çep gyraky ispaniýaly goragçy Alwaro Karreras 50 million ýewro transfer etdi. Ýetginjeklik ýyllarynda “Realda” oýnan 22 ýaşyndaky Karreras madridliler bilen 5 ýyllyk şertnama baglaşdy. “Benfika” topary Karrerasyň transferinden gazanan 50 million ýewrosynyň 10 millionyny oýunçynyň ozalky kluby “Mançester Ýunaýtede” berer. 2020-nji ýylda “Mançester Ýunaýtediň” düzümine goşulypdy. Iňlis klubunda 1 duşuşykda-da meýdança çykmadyk Karreras “Preston Nort End”, “Granada” klublarynda kärendesine çykyş etdi. Ol “Benfikada” 2 möwsümde 68 oýunda 5 gezek tapawutlandy. “Real Madrid” topary Karrerasdan öň Trent Aleksander-Arnoldy, Din Hýuýseni, Franko Mastantuonony transfer edipdi.

Karreras “Real Madridde” 18-nji belgili köýnekçäni geýer.

Gyzykly bolup bilerЕЩЕ ОТ АВТОРА