PDF
Ýewropa çempionatynyň saýlama tapgyrynyň duşuşyklary şu gije jemlener. “C” toparçada Angliýadan soň häzirki çempion Italiýanyň ýygyndysy kynlyk bilenem bolsa çempionlygyny goramaga mümkinçilik aldy. Öz meýdançasynda Demirgazyk Makedoniýany 5-2 hasabynda ýeňen italýanlaryň bu duşuşykdaky gollaryny Darmian (17), Kieza (41, 45+2), Raspadori (81) hem-de El Şaarawi (90+3) geçirdi. Makedonlaryň adyndanam Atanasow (52, 74) tapawutlandy. Bu ýeňişden soň Italiýanyň ýygyndysy myhmançylykda Ukraina bilen duşuşdy. Ukrainlere ýeňiş, italýanlara deňlik hem ýeterlikdi. Golsuz geçen duşuşykdan soň Italiýanyň ýygyndysy bassyr 8-nji, umumylykda 11-nji gezek Ýewropa çempionatyna gatnaşmaga hukuk gazandy. Italiýanyň ýygyndysy 34 oýundan soň Ýewropa çempionatynyň saýlama tapgyrynda gol geçirip bilmedi. Olara soňky gezek 2010-njy ýylda Demirgazyk Irlandiýa bilen bolan duşuşyk gol geçirmek başartmandy.
