PDF
Ýokary depginde dowam edýän Dünýä Kubogynda “B” toparçada Katar bilen Şweýsariýanyň ýygyndylary duşuşdy. Kaliforniýadaky Levi’s Stadium-da oýnalan duşuşykda ýeňiş gazanan bolmady.
Oýnuň 17-nji minutynda gondurasly emin Said Martines ýewropalylaryň peýdasyna penalti urgusyny belledi. Ony-da Bril Embol dürs urup, hasaby açdy. Duşuşygyň 2-nji ýarymynda katarly derwezeçi Abunada erjelli görkezip, şweýsarlaryň 2-nji goly geçirmegine rugsat bermedi. Hemmeler duşuşygyň bu hasap bilen tamamlanmagyna garaşyp otyrka çep gyradan geçirilen hüjümde katarlylar 90+4-nji minutda hasaby deňledi. Bu goly 130-nji gezek milli toparyň köýnekçesini geýen Bualem Huhi geçirdi diýlip bellense-de, soňlugy bilen FIFA tarapyndan goluň Miro Muhaýmyň awtogoly hökmünde tassyklandy. Şunlukda, Kataryň milli ýygyndysy Dünýä Kubogynyň taryhyndaky ilkinji utugyny gazanmagy başardy. Mundan 4 ýyl Dünýä Kubogyna ilkinji gezek gatnaşan katarlylar şol çempionatda 3 oýunda-da ýeňlipdi.
“B” toparça
KATAR – ŞWEÝSARIÝA: 1-1
Muhaým 90+4 (ö.d.) – Embolo 17 (p)
