Super ýyldyz Ronaldo ýene bir rekordy öz adyna geçirdi

“F” toparçada Portugaliýanyň milli ýygyndysynyň Dünýä Kubogyna gatnaşmak mümkinçiligi soňky minutlarda geçirden goly esasynda noýabr aýyna galdy. Portugaliýanyň milli topary öz meýdançasyna 3 gün öň Irlandiýany 1-0 hasabynda ýeňipdi. Ronaldonyň 11 metrlik jerime urgusyny dürs urup bilmedik oýnunda portugallara ýeňiş getiren goluny 90+3-nji minutda Ruben Neweş geçiripdi. Portugaliýanyň ýygyndysy 2-nji duşuşygynda Wengriýany kabul etdi. Oýunda myhmanlar Şallainiň 8-nji minutdaky goly bilen hasaby açsa-da, ýer eýeleri Kristiano Ronaldonyň 22-nji we 45+3-nji minutlardaky gollary esasynda öňe saýlandy. Ýöne 90+1-nji minutda Soboslai hasaby deňläp, portugallaryň Dünýä Kubogyna gatnaşmak mümkinçiligini indiki aýa süýşürdi. Portugaliýanyň ýygyndysyna galan 2 oýunda 2 utuk ýeterlik bolar.

Şeýle-de, Ronaldonyň Dünýä Kubogynyň saýlama oýunlarynda geçiren gollarynyň sany 41-e ýetip, ol bu sanawda 1-nji orna beýgeldi. Ronaldo 39 gol geçiren gwatemalaly Karlos Ruiziň 9 ýyllyk rekordyny täzeledi. Ýeri gelende bellesek, Ronaldo Ýewropa çempionatynyň saýlama oýunlarynyň hem iň köp gol geçiren futbolçysydyr. Ronaldonyň milli topardaky gollarynyň sany 143, tutuş karýerasy boýunça-da 948-e ýetdi.