Şu gün – 21-nji iýulda Gyrgyzystanyň prezidenti Sadyr Žapaparow Merkezi Aziýanyň döwlet Baştutanlarynyň nobatdaky Konsultatiw duşuşygyna gatnaşmak üçin Çolpon-Ata şäherine baran  Türkmenistanyň Prezidenti Serdar Berdimuhamedow bilen duşuşdy.

Iki ýurduň ýolbaşçylary ikitaraplaýyn we köptaraplaýyn formatda hyzmatdaşlyk meselelerini ara alyp maslahatlaşdylar.

Bu barada Gyrgyz Respublikasynyň Prezidentiniň metbugat gullugyna salgylanyp, «AKIpress» gullugy habar berýär.

Sadyr Žapaparow, iki ýurduň arasyndaky diplomatik gatnaşyklaryň ýola goýulmagynyň 30 ýyllygynyň bellenýändigini aýdyp, döwletleriň arasynda ýokary derejeli strategik hyzmatdaşlygyň ýola goýlandygyny kanagatlanma bilen belläp geçdi.

Prezident Žaparow häzirki wagtda Gyrgyzystan bilen Türkmenistanyň ýakyn dostlar, strategik hyzmatdaşlar we doganlyk ýurtlardygyny aýtdy.

Türkmenistanyň Prezidenti Serdar Berdimuhamedow Gyrgyzystanyň mähirli garşylanandygy üçin minnetdarlyk bildirip, Merkezi Aziýanyň döwlet Baştutanlarynyň nobatdaky Konsultatiw duşuşygynda kabul etmek we gol çekmek üçin meýilleşdirilýän resminamalaryň sebit ýurtlarynyň arasyndaky netijeli hyzmatdaşlygyň giňeldilmegine we çuňlaşdyrylmagyna goşant goşjakdygyna ynam bildirdi.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА