20-nji oktýabrynda Türkmenistanyň Daşary işler ministri Raşid Meredow bilen Indoneziýa Respublikasynyň Daşary işler ministri Sugiononyň arasynda telefon arkaly söhbetdeşlik geçirildi.
Söhbetdeşligiň barşynda taraplar ikitaraplaýyn gatnaşyklarynyň häzirki we geljekde mümkinçilikleri bar bolan ugurlaryny ara alyp maslahatlaşdylar.
Şeýle hem, Türkmenistanyň we Indoneziýanyň arasynda halkara guramalaryň, ilkinji nobatda, Birleşen Milletler Guramasynyň çäklerindäki köpýyllyk we netijeli hyzmatdaşlygyny ösdürmeginiň ähmiýeti aýratyn nygtaldy.
Şunuň bilen baglylykda, daşary syýasat edaralarynyň ýolbaşçylary Milletler Bileleşiginiň çäklerinde umumy işleri amal etmek boýunça, hususan-da, Türkmenistanyň we Indoneziýanyň halkara meýdançalarynda öňe sürýän başlangyçlaryny durmuşa geçirmekde mümkin bolan ähli tagallalary etmek barada ylalaşdylar.
Ministrler şu ýylyň 12-nji dekabrynda Aşgabatda geçirilmegi meýilleşdirilýän hem-de Türkmenistanyň hemişelik Bitaraplygynyň 30 ýyllygyna, Halkara parahatçylyk we ynanyşmak ýylyna we Halkara bitaraplyk gününe bagyşlanjak Halkara parahatçylyk we ynanyşmak forumynyň guramaçylygy bilen bagly meseleleri ara alyp maslahatlaşdylar.

Gyzykly bolup bilerЕЩЕ ОТ АВТОРА