5-nji sentýabrda Wladiwostokda öz işine başlan Gündogar ykdysady forumynyň (WEF-2022) esasy mowzugy “Köp ugurly dünýäniň ýolunda” diýlip atlandyrylýar. 

Russiýa Federasiýasynyň Prezidentiniň doly ygtyýarly wekili Ýuriý Trutnewiň aýtmagyna görä, ýedinji gezek guralýan forumyň çäklerinde dünýäniň onlarça ýurdundan gelen müňlerçe myhmanlar Primorskiý topragynda Uzak Gündogaryň ösüşi, özara hyzmatdaşlyk we ýurduň ösüşi barada maslahat ederler.

Forumyň çäklerinde açylan “Uzak Gündogar köçesi” atly sergi WEF-2022-iň medeni maksatnamasynyň esasy wakalaryndan biridir. Bu ýerde Uzak Gündogaryň ähli sebitleri ykdysady, maýa goýum we syýahatçylyk mümkinçiliklerini görkezýärler.

Gündogar ykdysady forumy 5-8-nji sentýabr aralygynda Wladiwostogyň Russkiý adasyndaky Uzak Gündogar federal uniwersitetiniň şäherçesinde geçirilýär. “Roscongress” gaznasy çäräniň guramaçysy bolup durýar. Forumyň maksatnamasy 70-den gowrak işewürlik çärelerini – maslahatlary, forumlary, sessiýalary, prezentasiýalary, sergileri, şertnamalara gol çekmegi we beýlekileri öz içine alýar. Forum 60-dan gowrak ýurduň wekillerini bir ýere jemledi. 7-nji sentýabrda Russiýanyň Prezidenti Wladimir Putin forumyň umumy mejlisinde çykyş eder.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА