Diňe ýapon raýatlaryny öz içine alýan Ýaponiýanyň ilaty 2024-nji ýylda 908 müň 574 adam azaldy we 2025-nji ýylyň 1-nji ýanwarynda 120 million 65 milliona düşdi. Bu barada Ýaponiýanyň Içeri işler we aragatnaşyk ministrligi tarapyndan çap edilen maglumatlarda tassyklanýar.
Ýaponiýanyň ilaty 16 ýyl bäri azalýar. Häzirki azalma, hökümet 1968-nji ýylda şeýle maglumatlary ýöredip başlandan soň iň ulusydyr. 2009-njy ýyldaky iň ýokary derejä garanyňda, ilatyň umumy azalmagy 6,42 million adamdan geçdi.
Munuň esasy sebäbi ilatyň tebigy azalmagydyr: ýagny, ölenleriň sany (1 599 850) doglanlaryňkydan (687 689) artyp, netijede, 912 161 adam azaldy. Şol bir wagtyň özünde daşary ýurtly ilat 11% artyp, rekord derejä ýagny, 3,68 milliona ýetdi we ilkinji gezek 3,5 million bellikden geçdi.
Daşary ýurt raýatlaryny goşmak bilen Ýaponiýanyň umumy ilaty 124,33 million bolup, geçen ýyldakydan 554 485 esse azaldy. Daşary ýurt raýatlary häzirki wagtda Ýaponiýanyň ilatynyň 2,96%-ini emele getirýär, bu bolsa geçen ýyldakydan 0,3 göterim köp.
15 ýaşdan 64 ýaş aralygyndaky işe ukyply ilat jemi 59,8% derejede boldy. Şunuň bilen birlikde Ýaponiýada işleýän ýaşlaryň sany 500 müňden gowrak azaldy, bu kategoriýadaky daşary ýurt raýatlarynyň sany 321 müňden gowrak artdy we demografiki deňagramlylygy üpjün etmäge kömek etdi.

Gyzykly bolup bilerЕЩЕ ОТ АВТОРА