PDF
Dünýä Kubogy 26-da “L” toparçadaky 2-nji duşuşyklarda 1 gol hasaba alyndy. Bostondaky Gillette Stadium-da oýnalan duşuşykda çempionlygyň dalaşgärlerinden hasaplanýan Angliýanyň ýygyndysyna Gananyň milli toparyny ýeňmek başartmady. Iňlis topa erk etmekde doly artykmaçlyk görkezen bolsalaram, olara şol topy derwezä girizmek nesip etmedi. Keýn we ýoldaşlary birnäçe amatly pursatdan peýdalanyp bilmedi.
Bu deňlik Gana üçin täsin statistikanyň dowamy boldy. Gananyň ýygyndysy 2006-njy ýyldan bäri toparçalardaky 2-nji duşuşyklarynda utulmazlyk seriýasyny dowam etdirdi. Ýagny Gananyň ýygyndysy 2006-njy ýyly hem goşaňda, 5-nji gezek 2-nji duşuşyklarda ýeňilmedi. Şolaryň 3-sinde deňme-deň, oýnap, 2-sinde ýeňiş gazandy. Ýeri gelende bellesek, Gananyň ýygyndysy 2018-nji ýylda gatnaşyp bilmändi.
