Angliýanyň Premier Ligasynda Mançester Siti öz meýdançasynda Lids Ýunaýtedi 7-0 ýeňdi. Şeýlelikde, Mançester Siti tälimçisi Pep Guardiolanyň tälimçiliginde Premier Ligada 28-nji kluby utdy. Ýagny Mançester Siti Guardiolanyň tälimçiliginde şu wagta çenli 29 dürli klub bilen duşuşyp, şolaryň 28-sini ýeňlişe sezewar etdi. Sitä onuň tälimçiliginde diňe Middlsbro toparyny ýeňmek başartmady. 2016-njy ýylda Sitiniň tälimçisi bolan Guardiolanyň şägirtleri Middlsbro bilen 2 oýunda deňme-deň oýnapdy (1-1, 2-2).

Şeýle-de Mançester Siti 2021-nji ýylda (kalendar hasaby boýunça) çempionatda 33-nji ýeňşini gazanyp, bu ugurda Liwerpulyň rekordyny gaýtalady. Liwerpul 1982-nji ýylda 33 oýunda ýeňiş gazanypdy. Ýylyň ahyryna çenli Mançester Sitiniň ýene-de 3 duşuşygy bar (Nýukasl, Lester, Brentford).

Galyberse-de, Sitiniň Lidsi 7-0 ýeňen duşuşygyndaky Fil Fodeniň geçiren goly klubuň Guardiolanyň tälimçiliginde çempionatdaky 500-nji goly boldy. Guardiola bu görkezijä 207 oýunda ýetdi. Ozalky rekord Ýurgen Kloppa degişli bolup, Liwerpul 500 gola onuň tälimçiliginde 234 oýunda ýetmegi başardy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА