21-nji fewralda Russiýanyň Prezidenti Wladimir Putin “Geljegiň oýunlary” halkara ýaryşynyň açylyş dabarasyna gatnaşmak üçin Kazana geldi. Dabaranyň öňüsyrasynda Wladimir Putin Täjigistanyň Prezidenti Emomali Rahmon bilen duşuşyk geçirdi.
-Russiýa bilen Täjigistanyň arasyndaky ikitaraplaýyn gatnaşyklar üstünlikli ösdürilýär. Biz ähli ähli ugurlar boýunça gatnaşyklarymyzy berkidýäris – diýip Putin belledi. Şeýle hem, Putin täjigistanly kärdeşine çakylygyny kabul edenligi üçin hoşallyk bildirdi.
Şol gün Wladimir Putin “Geljegiň oýunlary” halkara ýaryşynyň açylyş dabarasyna gatnaşmak üçin Kazana gelen beýleki ýurtlaryň ýolbaşçylary bilen birnäçe duşuşyklary geçirdi. Putin bilen Gazagystanyň Prezidenti Kasym-Žomart Tokaýewiň arasynda gepleşikler geçirildi. Gazagystanyň lideri Putiniň ýolbaşçylygynda Russiýanyň ajaýyp üstünlik gazanýandygyny belledi. Duşuşygyň barşynda Tokaýew indiki oýunlaryň Gazagystanda geçirilmegini teklip etdi.
Özbegistanyň Prezidenti Şawkat Mirziýoýew Russiýanyň lideri bilen bolan duşuşygynda Kazanda geçirilýän oýunlaryň özboluşlydygyny, ýöne sport pudagynda geljegi uly ugur diýip baha berdi. Şeýle hem bäsleşigiň açylyş dabarasyna Serbiýa Respublikasynyň Prezidenti Milorad Dodik we Gyrgyzystanyň Prezidenti Sadyr Žaparow gatnaşdy.
21-nji fewralda Kazanda başlan “Geljegiň oýunlary” 3-nji marta çenli dowam eder. Bäsleşige 100-den gowrak ýurtdan 260-dan gowrak topar we 2 müňden gowrak türgen geldi.
