UEFA Çempionlar Ligasynda soňky çempion “Mançester Siti” toparyna çärýek finala çykmak kyn düşmedi. Öz meýdançasynda-da “Kopengagen” toparyndan 3-1 hasabynda üstün çykan “Mançester Siti” toparynyň gollaryny 5-nji minutda Akanži, 9-njy minutda Alwares hem-de 45+3-nji minutda Holann geçirdi. “Kopengagen” toparynyň ýeke-täk goluny 29-njy minutda Elýunussi derwezä girizdi. Şunlukda, 2 oýnuň netijesi boýunça 6-2 ýeňiş gazanan “Mançester Siti” yzly-yzyna 7-nji, umumylykda-da 8-nji gezek çärýek finalda oýnama hukuk gazandy. Bu ýaryşda 10 oýundan bäri ýeňiş gazanyp gelýän “Mançester Siti” topary “Bawariýanyň” (2) hem-de “Real Madridiň” görkezijilerini gaýtalady.
Holann UÇL-däki 37-nji duşuşygynda 41-nji goluny geçirdi. Ol bu 41 gola iň çalt ýeten futbolçy boldy.
