1781-nji ýylyň 13-nji martynda asly Germaniýadan bolan iňlis astronomy Wilýam Herşel Uran planetasyny açdy. Gün ulgamynyň 7-nji planetasy bolan Uran ondan öň ýyldyz diýlip hasap edilýärdi. Herşel öz ýasan teleskoplary bilen birnäçe asman jisimini açýar.
Köp bölegi buzdan ybarat bolan gögümtil çal reňkli planetanyň “düzüminde” suw, ammiak we metan gazy bar. Uran Gün ulgamyndaky iň sowuk planetadyr. Ol ýerdäki temperatura 224 °C sowuk. Günden uzakdadygy sebäpli bu planeta Günüň töweregindäki bir gezeklik aýlawyny 84 ýylda tamamlaýar.
