Hindistan ýurtda emeli aňy ösdürmege gönükdirlen “IndiaAI” hökümet başlangyjyny ýola goýdy. Bu maksat üçin takmynan, 1,24 milliard dollar bölünip berler. Döwlet AI pudagynda innowasiýalary çaltlaşdyrmak üçin toplumlaýyn ekoulgamy döretmegi meýilleşdirýär. Bu başlangyjyň çäklerinde azyndan 10 000 GPU-ly superkompýuter, şeýle hem “IndiaAI” innowasiýa merkezi dörediler.
Şeýle-de, emeli aň programmalaryny işläp düzmek boýunça maksatnama işe giriziler. Hökümet bu ugurdaky başlangyçlary maliýeleşdirer we AI ugry boýunça bilim pudagyny güýçlendirer. Hökümet “IndiaAI”-niň ýurduň ykdysadyýetini ösdürmekde Hindistana emeli aň pudagynda gazanylanlary ulanmaga mümkinçilik berjekdigine ynam bildirýär.
