Saud Arabystanynyň çempionaty SPL-de 2-nji ýerdäki “Al Nassr” topary myhmançylykda “Al-Ahli” bilen duşuşdy. Çekeleşikli geçen oýunda “Al Nassr” topary 1-0 hasabynda ýeňiş gazandy. Duşuşykdaky ýeke-täk goly 68-nji minutda penaltiden Kristiano Ronaldo geçirdi.
Şu möwsümde çempionatda 22 oýunda 23 gol geçiren Ronaldonyň ähli ýaryşlarda 32 oýunda 30 goly, 11 asisti bar. “Al Nassr” çempionatda utugyny 56-a ýetirip, 1 oýny kem “Al Hilaldan” 9 utuk yzda 2-nji orunda barýar.
