Germaniýanyň çempionatynda ýeňlişsiz lider “Baýer” 26-njy tapgyrda-da bu derejesini saklamagy başardy. Myhmançylykda “Fraýburgy” Wirts, Gložek hem-de Şikiň gollary bilen 3-2 ýeňen “Baýer” umumylykda 38 oýundan bäri ýeňilmän gelýär. Topar çempionatda 26 oýunda 22-nji ýeňşini gazanyp, öz rekordyny täzeledi. Ýene-de uly hasaply ýeňiş gazanan “Bawariýa” myhmançylykda “Darmştadt” toparyndan 5-2 hasabynda üstün çykdy. Duşuşykda 2 goly Musiala geçirip, 1 gezek tapawutlanan Harri Keýn “Bundesligadaky” 1-nji möwsüminde 31 gol salan ilkinji futbolçy boldy. 3-nji ýerdäki “Ştutgart” myhmançylykda “Hoffenhaýmyň” derwezesinden jogapsyz 3 gol girizdi. “Borussiýa Dortmund” hem Gýotseniň goly bilen öňe geçen oýnunda “Aýntrahty” 3-1 hasabynda utdy. Opendanyň 2 gol geçiren duşuşygynda “Leipsig” myhmançylykda “Kölnden” 5-1 hasabynda üstün çykdy.
Köln – Leipsig: 1-5 (Adamýan 18 – Simons 15, Openda 63, 67, Aýdara 70, Poulsen 82),
Wolfsburg – Augsburg: 1-3 (Wimmer 9 – Maýer 45+3, Ýakiç 61, 79),
Darmştadt – Bawariýa: 2-5 (Skarke 28, Wilhelmsson 90+5 – Musiala 36, 64, Keýn 45+1, Gnabri 74, Tel 90+3),
Maýns – Bohum: 2-0 (Burkardt 45+3 p, 71),
Union Berlin – Werder: 2-1 (Wertessen 50, Eronson 52 – Waýzer 63),
Haýdenhaým – Borussiýa M: 1-1 (Dinkçi 66 – Hak 9),
Hoffenhaým – Ştutgart: 0-3 (Miýo 16, Girassi 45+1, Leweling 68),
Fraýburg – Baýer: 2-3 (Doan 10, Keýtel 79 – Wirts 2, Gložek 40, Şik 53),
Borussiýa D – Aýntraht: 3-1 (Adeýemi 33, Hummels 81, Jan 90+3 p – Gýotse 13)
