Finlýandiýa yzygider ýedinji ýyl dünýäde iň bagtly ýurt diýlip ykrar edildi. Bu barada BMG-niň hünärmenleri tarapyndan taýýarlanan bagt baradaky bütindünýä beýanatynda bellenilýär. Sanawda Demirgazyk Ýewropanyň ýurtlary ýene öňdäki orunlary eýelediler: ikinji orunda – Daniýa, üçünji – Islandiýa, dördünji – Şwesiýa.
Bagt baradaky bütindünýä beýanaty BMG-niň Baş Assambleýasynyň başlangyjy bilen 2012-nji ýyldan bäri çap edilýär. Sanaw düzülende barlag geçirijiler ilatyň jan başyna düşýän jemi içerki önümi, sosial goldaw derejesi, ömrüň dowamlylygy, raýat azatlyklarynyň berjaý edilişi, iş kepilligi we beýlekiler ýaly görkezijileri nazara alýarlar. Esas hökmünde üçýyllyk döwürde toplanan ortaça görkezijiler alynýar. Sanaw 20-nji martda bellenilýän Halkara bagt gününde mälim edilýär.
