Demirgazyk Amerikada ilkinji doly Gün tutulmasy hadysasy boldy. Bu täsin hadysa Meksikada, ABŞ-da we Kanadada millionlarça adam tomaşa etdi. ABŞ-nyň 13 ştatynda Gün doly tutuldy. Astronomik hadysany has gowy görmek üçin adamlar gara äýnek, teleskoplar we dürbi ýaly enjamlardan peýdalandy. Günüň doly tutulmasy uzynlygy 6 müň 437 kilometr, ini 186 kilometr aralykda jemi 44 million ilatyň ýaşaýan ýerinde bolup geçdi. Meksikanyň Mazatlan şäherinde ýerli wagt bilen 11:07-de başlan hadysa ABŞ-nyň demirgazyk-gündogar tarapy bilen süýşüp, 17:16-da Kanadada tamamlandy.
Aýyň Ýer bilen Günüň arasyna girmegi bilen emele gelýän bu astronomik hadysa örän seýrek bolýar. Müňlerçe adam bu hadysa has gowy tomaşa edip boljak ýerlerde ýygnandy. Köp ýerde bolsa, astronomik hadysany görmek üçin ýygnanan adamlar üçin ylmy we medeni çäreler guraldy.
Bilermenler Güne göni seretmegiň zyýanly bolup biljekdigine ünsi çekip, munuň üçin infragyzyl we ultramelewşe şöhleleri gaýtarýan ýörite äýnekleri dakynmagy maslahat berýärler.
Gün tutulyp başlanynda ýatrym Aý şekilli bolýar. Aý Günüň öňüni doly ýapanynda ol halka şeklinde bolup görünýär. Hadysanyň bolup geçýän ugrunyň merkezinde Aý Günüň öňüni 4 minut 28 sekuntlap ýapdy.
Şu ýylyň ikinji Gün tutulma hadysasy 2-nji oktýabrda Çiliniň we Argentinanyň günortasynda bölekleýin ýagdaýda bolup geçer.
ABŞ-da bolsa indiki Gün tutulmasy 2044-nji ýylda bolup geçer.
