Belgiýada elektrik energiýasyny öndürmek üçin dünýäde ilkinji emeli ada gurulýar. Şazada Ýelizaweta adasynda alnyp barylýan gurluşyk işleriniň barşy baradaky wideoşekiller “Elia” kompaniýasy neşir etdi diýip, “Naked Science” habar berýär.
Bu ada deňizde gurlan şu görnüşdäki ilkinji innowasion elektrik ulgamy bolar. Ol kabelleriň üsti bilen ýel turbinalaryndan elektrik energiýasyny alar. Soňra ony ýokary woltly elektrik energiýasyna öwrüp, Belgiýanyň yklym bölegine we beýleki Ýewropa ýurtlarynyň çägine paýlar.
BU taslama 2024-nji ýylyň mart aýynda badalga alyp, 2026-njy ýylyň awgustynda tamamlamak meýilleşdirilýär.
