Ýene-de 1 aýdanam az wagtdan başlanjak EURO 2024-iň guraýjy ýurdy Germaniýanyň milli ýygyndysy mälim edildi. 36 ýaşyndaky tälimçi Ýulian Nagelsmannyň yglan eden sanawynda käbir ýyldyz oýunçylara orun bolmady. Olaryň arasynda «Borussiýa Dortmundyň» ýyldyzlary Ýulian Brandt, Adeýemi, Hummels, Emre Jan, şol sanda «Bawariýadan» Goreska, Gnabri ýaly oýunçylar bar. Ýaş tälimçi «Bawariýanyň» 20 ýaşly ýarymgoragçysy Alekdandar Pawlowiçi hem çagyrdy. Nagelsmann hüjümde Baýer, Füllkrug, Hawerts, Müller hem-de Undaw ýaly oýunçylara bil baglaýar. Tälimçi häzirlikçe 4 derwezeçini çagyryp, olaryň biri çempionatyň öňüsyrasynda düzümden çykarylar.
Germaniýanyň ýygyndysy «A» toparçada Şotlandiýanyň, Wengriýanyň hem-de Şweýsariýanyň ýygyndylary bilen duşuşar. 17-nji Ýewropa çempionaty 14-nji iýunda başlap, 14-nji iýulda-da tamamlanar.
DERWEZEÇILER
Manuel Noýer («Bawariýa»), Oliwer Baumann («Hoffenhaým»), Aleksander Nübel («Ştutgart»), Mark-Andre ter Stegen («Barselona»);
GORAGÇYLAR
Maksimilian Mittelştedt («Ştutgart»), Dawid Raum («RB Leipsig»), Ýozua Kimmih («Bawariýa»), Robin Koh («Aýntraht»), Benžamin Henrihs («RB Leipsig»), Antonio Rüdiger («Real Madrid»), Niko Şlotterbek («Borussiýa» Dortmund), Waldemar Anton («Ştutgart»), Jonatan Ta («Baýer»);
ÝARYMGORAGÇYLAR
Jamal Musiala («Bawariýa»), Robert Andrih («Baýer»), Kris Fürih («Ştutgart»), Florian Wirts («Baýer»), Paskal Gross («Braýton»), Aleksandar Pawlowiç («Bawariýa»), Ilkaý Gündogan («Barselona»), Toni Kroos («Real Madrid»), Leroý Sane («Bawariýa»);
HÜJÜMÇILER
Maksimilian Baýer («Hoffenhaým»), Niklas Füllkrug («Borussiýa Dortmund»), Kai Hawerts («Arsenal»), Tomas Müller («Bawariýa»), Deniz Undaw («Ştutgart»).
