Entek ýaňy ýöräp başlan ganaly çagajyk Ginnesiň rekordlar kitabyna adyny ýazdyrdy. Ase-Liam Nana Sam Ankrah atly bu çaga dünýäniň iň ýaş suratkeşi adyna eýe boldy. Şeýlelikde ol 1 ýyl 152 günlük wagty şeýle ada mynasyp boldy. Rekordlar kitabynyň şertlerinde görä, bu rekordyň hasaba alynmagy üçin bir sergide suratyň satylan bolmaly. Körpeje suratkeş öz eserlerini hödürlän ilkinji sergisinde 10 suratyny satypdyr. Onuň bu ukyby köpleriň ünsüni çekipdir. Şol sebäpli ýurduň birinji hanymy Rebekka Akufo-Addo hem körpe suratkeşe bir surat sargyt edipdir. Körpe rekordçynyň ejesi Çantelle Kuukua Eghan hem surat çekmek bilen meşgullanýandygyny aýdýar. Ol oglunyň surat çekmäge ukybynyň bardygyny heniz alty aýlyk wagty aňypdyr. Buýsançly ene Ginnesiň rekordlar kitabynda hat geleninde begenjinden aglandygyny aýdýar. Eghan oglunyň surat çekeninde haýsy reňkiň haýsy reňk bilen sazlaşýandygyny bilýändigini belleýär. Ase-Liam häzire çenli 15 suratyny satypdyr. Golaýda bolsa onuň çeken suratlarynyň auksiona çykarylmagyna garaşylýar.
Eghan oglunyň abstrakt şekillendiriş sungatynyň görnükli wekilleri Jekson Pollok hem-de Deamýen Herst ýaly bolmagyny isleýär.
