Angliýanyň “Premier Ligasyny” 6-njy basgançakda tamamlan “Çelsi” topary Maurisio Poçettinonyň ornuna täze tälimçisini resmi ýagdaýda mälim etdi. London şäheriniň wekili italiýaly tälimçi Enzo Mareska bilen 5+1 ýyllyk şertnama baglaşdy. 44 ýaşyndaky Mareska tamamlanan möwsümde Angliýanyň 2-nji ligasy “Championship”-de “Lester Sitini” çempion edip, “Premier Liga” çykarypdy. “Çelsi” topary Enzo Mareskanyň transfer öweztölegi üçin “Lester Siti” toparyna 10 million ýewro we käbir goşmaça tölegler eder. Mareska “Lester Sitiden” öň “Mançester Sitiniň” U23 toparyna hem-de gysga wagtlyk Italiýanyň “Parma” klubuna tälim beripdi.
