Köpleriň sabyrsyzlyk bilen garaşan 17-nji Ýewropa çempionaty ahyry başlady. Çempionatyň açylyş duşuşygynda ýer eýeleri Germaniýanyň ýygyndysy Münhen şäherindäki Allianz Arenada 5-1 hasabynda ýeňiş gazandy. Eýýäm 1-nji ýarymda 3 gol geçiren nemesleriň adyndan 10-njy minutynda Florian Wirts, 19-njy minutda Jamal Musiala, 45+1-nji minutda penaltıdan Kai Hawerts hem-de oýna soň giren “borussiýaly” 2 futbolçy – 68-nji minutda Niklas Füllkrug, 90+3-nji minutda Emre Jan tapawutlandy. 44-nji minutda meýdançada bir oýunçy kem galan şotlandlaryň ýeke-täk goluny 87-nji minutda Antonio Rüdiger ýalňyşlyk bilen öz derwezesinden girizdi. Şunlukda, Germaniýanyň ýygyndysy çempionata juda şowly başladylar.
