24-27-nji iýunda Gazagystanyň Astana şäherinde Türkmenistanyň Medeniýet günleri geçirildi.
Açylyş gününde dabarasynda Magtymguly Pyragynyň «At istärin» diýen eserine esaslanýan «Istärin» çeper filminiň görkezilişi boldy. Ol Arslan Eýeberdiýewiň režissýorlyk etmeginde düşürildi.
Gazagystanyň Milli akademiki kitaphanasynda «Magtymguly» atly ýygyndynyň tanyşdyrylyş dabarasy boldy. Şeýle hem, günüň dowamynda Kalibek Kuanyşbaýew adyndaky Gazagystanyň milli aýdym-saz we drama teatrynda Türkmenistanyň halk amaly-haşam sungatlarynyň we muzeý gymmatlyklarynyň sergisi hem-de gala-konserti boldy.
27-nji iýunda çäreler iki ýurduň ussatlarynyň gatnaşmagynda gala-konserti bilen tamamlandy. Medeniýet günleriniň geçirilmegi Gazagystanyň halky üçin Türkmenistanyň baý medeni mirasy bilen tanyşmaga döredilen ajaýyp mümkinçilikdir.
