Onore de Balzak, fransuz şahyry (1799-1850ý.)
Fransuz halkynyň meşhur şahyry, ýazyjysy, dramaturgy Onore de Balzak Ýewropa edebiýatynda realizm akymynyň esasy düýbüni tutujylaryň biridir. Onore de Balzak 1823-nji ýylda ilkinji eserini döredipdir. 1825-1828-nji ýyllarda neşirýat işi bilen meşgullanypdyr. Soňra ol bar durky bilen edebiýata berlip, her gün 15 sagada golaý döredijilik bilen meşgullanypdyr. Şahyr her ýylda 5-6 powestdir roman ýazmagy başarypdyr. Ýazyjynyň «Gorio ata», «Gobsek», «30 ýaşly zenan» we beýleki birnäçe eseri okyjylarda uly täsir galdyrýar. Onore de Balzak 1845-nji ýylda «Hormat legiony» ordenine mynasyp bolupdyr.
