PDF
Belarusyň “Belavia” awiakompaniýasy özüniň amala aşyrýan Russiýadan Türkmenistana tarap üstaşyr gatnawlarynyň bahalaryny arzanlatdy. Bu barada “Belta” habarlar gullugy awiakompaniýanyň metbugat gullugyna salgylanyp habar berýär.
Awiakompaniýa Moskwa-Minsk-Türkmenbaşy we Moskwa-Minsk-Türkmenbaşy-Minsk-Moskwa, şeýle hem Sankt-Peterburg-Minsk-Türkmenbaşy we Sankt-Peterburg-Minsk-Türkmenbaşy-Minsk-Sankt-Peterburg ugurly gatnawlarynyň bahalary üçin ýörite arzanladyş yglan etdi.
Türkmenistanyň raýatlaryna eger üstaşyr gatnawy bir gije-gündizden köp bolmadyk halatynda Belarusyň wizasyny almagy zerur däldir. Howa menzilinden çykman, beýleki awiagatnawy üçin bellige alnyp biler.
– Iň gowy hem-de amatlysy, ähli ugurlar üçin öňünden bellige alnyp, 2 sany uçuş kartyny almak mümkinçiligidir – diýip, awiakompaniýa belleýär.
Russiýa daşary ýurtly raýatlaryň barmagy bilen baglanyşykly maglumatlary Russiýanyň ygtyýarly edaralaryndan öwrenmek maslahat berilýär.
