Tennis boýunça ABŞ-da geçirilen “Sinsinnati Açyk” ýaryşynda erkekleriň arasynda italiýaly Ýannik Sinner, zenanlardan belarusly Aryna Sabalenka ýeňiji boldy.
“Masters 1000” ýaryşlarynyň biri bolan bäsleşigiň erkekleriň arasyndaky finalynda Sinner ýer eýelerinden amerikaly Franses Tiafouny 7:6 we 6:2 hasaplar bilen ýeňlişe sezewar etdi. Bu onuň 3-nji “Masters” çempionlygy bolup, ol martda Maýamide, geçen ýylam Kanadada “ATP 1000” ýaryşlarynda ýeňiş gazanypdy. Bu onuň umumylykda 15-nji ATP Kubogydyr.
Zenanlaryň arasyndaky finalda belarusly Sabalenka amerikaly Jessika Pegulany 1 sagat 15 minutda 6:3 we 7:5 hasaplar bilen ýeňmegi başardy. Sinsinnatide ilkinji gezek ýeňiş gazanan Sabalenka “WTA 1000” ýaryşlarynda 6-njy çempionlygyny baýram etdi. Ol Uhanda 2 (2018, 2019), Madridde-de 2 (2021, 2023) hem-de Katarda çempionlyk gazanypdy. Bu onuň 15-nji WTA çempionlygydyr.
