Kino dünýäsiniň iň köp girdeji gazanan filmleriniň sanawynda öňdäki orunda barýan “Awatar” filminiň 3-nji kinosynyň ady mälim edildi. Täze filmiň ady “Awatar: ot we kül” (Avatar: Fire and Ash) diýlip atlandyrylýar. Filmiň režissýory kinonyň adyny mälim eden mahaly: – Täze ekran eserinde, Pandorada ozal görmedik zatlaryňyzy görersiňiz. Film garaşyşyňyz ýaly däl, isleýişiňiz ýaly bolar. Filmde täze gahrymanlar hem ýüze çykar – diýip, gürrüň berdi. Täze filmde Sem Wortington, Zou Saldanýa, Sigorni Wiwer, Stefen Lan, Keýt Winslet dagynyň hataryna Oona Çaplin, Dewid Tewlis, Mişell Ýeo ýaly artistler hem goşular. “Awatar: ot we kül” 2025-nji ýylyň 19-njy dekabrynda ekranlara çykar.
