Futbol dünýäsiniň iň uly şahsy baýragy “Altyn top” (Ballon d’Or) hasaplanýar. “France Football” žurnaly tarapyndan 1956-njy ýyldan bäri gowşurylyp gelinýän baýragy bu ýylky dalaşgärleri mälim edildi. Ilkinji sanawa 30 futbolçy alnyp, olaryň 6-sy “Real Madrid”, 4-si “Mançester Siti” hem-de “Arsenal” klublarynyň oýunçylarydyr. Şol sanda sanawda “Baýerden” 3, “Interdir” PSŽ-den 2, “Aston Willa”, “Çelsi”, “Barselona”, “Žirona”, “Bawariýa”, “Atalanta”, “Borussiýa Dortmund”, “Atletik Bilbao” hem-de “Leipsig” klublaryndan 1 futbolçy bar. Baýrak oýunçylaryň geçen möwsümdäki görkezen netijeleri esasynda ýeňiji kesgitlener. Ýagny tomusda klublaryny üýtgeden futbolçylaryň geçen möwsümdäki klublarynda görkezen başarnyklary göz öňünde tutulýar. Şol sebäpli-de sanawa oýunçylaryň atlary ozalky klublary bilen bilelikde ýazyldy.
68-nji gezek gowşuryljak “Altyn top” baýragynyň iň esasy dalaşgärleri hökmünde “Real Madridiň” oýunçylary Winisius Junior bilen Jud Bellingam hasaplanýar. Şol sanda “Mançester Sitiniň” ispaniýaly ýyldyzy Rodriniň hem ady öňdäkileriň hatarynda agzalýar.
Şeýle-de, 2003-nji ýyldan soň ilkinji gezek Altyn top baýragyna ne Lionel Messi, ne-de Kristiano Ronaldo dalaşgär görkezildi. Ýagny 21 ýyldan soň Messisiz we Ronaldosyz “Altyn top” baýragynyň ýeňijisi 28-nji oktýabrda Parižde geçiriljek dabarada mälim ediler.
“Altyn top” baýragynyň dalaşgärleri:
Antonio Rüdiger, Dani Karwahal, Federiko Walwerde, Jud Bellingam, Toni Kroos, Winisius Junior (“Real Madrid”), Ademola Lukman (“Atalanta”), Aleks Grimaldo, Florian Wirts, Granit Džaka (“Baýer”), Bukaýo Saka, Deklan Raýs, Martin Edegor, William Saliba (“Arsenal”), Emiliano Martines (“Aston Willa”), Koul Palmer (“Çelsi”), Erling Holann, Fil Foden, Rodri, Ruben Diaş (“Mançester Siti”), Kilian Mbappe, Witinýa (PSŽ), Harri Keýn (“Bawariýa”), Mats Hummels (“Borussiýa Dortmund”), Dani Olmo (“RB Leipsig), Hakan Çalhanoglu, Lautara Martines (“Inter”), Niko Williams (“Atletik Bilboa”), Lamin Ýamal (“Barselona”), Artýom Dowbyk (“Žirona”).
