Türk­men hal­ky ýur­du­my­zyň Ga­raş­syz­ly­gy­nyň şan­ly 33 ýyl­lyk baý­ra­my­ny ýo­ka­ry ru­hu­be­lent­lik­de gar­şy­la­ma­ga taý­ýar­lan­ýar. Soň­ky ýyl­la­ryn­da Ga­raş­syz, he­mi­şe­lik Bi­ta­rap Türk­me­nis­tan Wa­ta­ny­myz­da türk­men hal­ky­nyň Milli Lideri Gahryman Ar­ka­da­gy­my­zyň bin­ýa­dy­ny go­ýan be­ýik iş­le­ri­ni Ber­ka­rar döwletiň tä­ze eý­ýa­my­nyň Gal­ky­ny­şy döw­rün­de tä­ze üs­tün­lik­le­re bes­läp do­wam et­dir­ýän Ar­ka­dag­ly Gah­ry­man Ser­da­ry­my­zyň baş­tu­tan­ly­gyn­da giň ge­rim­li öz­gert­me­ler dur­mu­şa ge­çi­ril­ýär.
Döw­let Baş­tu­ta­ny­my­zyň bel­läp ge­çi­şi ýa­ly, «Kö­pet­da­gyň gö­zel kün­je­gin­de ak bi­na­la­ry lo­wur­dap du­ran şä­he­riň peý­da bol­ma­gy türk­men hal­ky­nyň Mil­li Li­de­ri Gahryman Arkadagymyzyň jöw­her paý­ha­sy­nyň gud­ra­ty­dyr». Ine, şu gün­ki gün­de se­bi­tiň il­kin­ji «akyl­ly» şä­he­ri bo­lan Arkadag şä­he­ri­niň at-owa­za­sy dün­ýä dol­ýar. Mu­nuň şeý­le­di­gi­ni go­laý­da Ko­re­ýa Res­pub­li­ka­syn­da ge­çi­ri­len hal­ka­ra fo­rum­da Arkadag şä­he­ri­ne ber­len baý­rak­lar­dan hem gör­mek bo­lar.
Ýur­du­my­zyň we­ki­li­ýe­ti ýa­kyn­da «World Smart City Expo» at­ly hal­ka­ra ser­gä gat­naş­mak hem-de luk­man­çy­lyk klas­te­ri­ni ama­la aşyr­mak üçin ze­rur bo­lan, Ko­re­ýa Res­pub­li­ka­sy­nyň luk­man­çy­lyk­da ula­nyl­ýan se­riş­de­le­ri­niň ön­dü­ri­ji­le­ri bi­len du­şuş­mak we de­giş­li za­wod­la­ryň iş­le­ri bi­len ýe­rin­de ta­nyş­mak mak­sa­dy bi­len, bu ýur­duň Se­ul şä­he­rin­de gul­luk iş sa­pa­ryn­da bo­lup, onuň çäk­le­rin­de ser­gä gat­na­şy­jy­la­ry Ar­ka­dag şä­he­ri­ne ba­gyş­la­nan ser­gi bö­lü­mi bi­len ta­nyş­dyr­dy­lar. Ne­ti­je­de bol­sa, ýur­du­my­zyň «akyl­ly» şä­he­ri üç sa­ny baý­ra­ga my­na­syp bo­lup, bu şat­lyk­ly wa­ka her bir türk­me­nis­tan­ly ra­ýa­tyň kal­by­ny eg­sil­mez buý­san­ja bes­le­di.
Je­mi 116 pa­wil­ýo­ny, 60-dan gow­rak ýur­duň we­kil­le­ri­ni özün­de jem­län «World Smart City Expo» ser­gi­sin­de de­giş­li baý­rak­lar ser­gä gat­na­şy­jy­la­ryň ara­syn­da aý­ry-aý­ry ugur­lar bo­ýun­ça has ta­pa­wut­la­nan da­şa­ry ýurt we mil­li şä­her­le­re hem-de kom­pa­ni­ýa­la­ra be­ril­di. Ar­ka­dag şä­he­ri­ne «Iň ta­pa­wut­la­nan «akyl­ly» şä­her», «Da­şa­ry ýurt «akyl­ly» şä­he­ri», «World Smart City Expo 2024» hal­ka­ra ser­gi­si­ne go­şan uly go­şan­dy üçin» at­ly üç sa­ny baý­ra­gyň gow­şu­ryl­ma­gy, özem «Iň ta­pa­wut­la­nan «akyl­ly» şä­her» di­ýen baý­rak bi­len di­ňe bi­ziň aja­ýyp Ar­ka­dag şä­he­ri­mi­ziň sy­lag­lan­ma­gy buý­san­jy­ňa buý­sanç goş­ýan ta­ry­hy we şan­ly wa­ka­dyr.
San­ly ul­ga­myň müm­kin­çi­lik­le­ri we tä­ze teh­no­lo­gi­ýa­lar bi­len bir­kem­siz üp­jün edi­len se­bit­dä­ki il­kin­ji «akyl­ly» şä­he­riň ke­ma­la gel­me­gi «Döw­let adam üçin­dir!», «Wa­tan di­ňe hal­ky bi­len Wa­tan­dyr! Döw­let di­ňe hal­ky bi­len döw­let­dir!» di­ýen baş ýö­rel­ge­le­ri­mi­ziň ro­waç­lyk­la­ra bes­len­ýän­di­gi­niň aý­dyň su­but­na­ma­sy­dyr.
Ab­raý­ly yk­rar­na­ma­la­ryň baş baý­ra­my­my­zyň öňü­sy­ra­syn­da be­ril­me­gi has-da gö­wün gö­te­ri­ji­dir. Mun­dan bir ýyl gow­rak ozal bi­rin­ji tap­gy­ry açy­lyp, ula­nyl­ma­ga ber­len gü­nün­de hem hal­ka­ra de­re­je­li gü­wä­na­ma­la­ryň bir­nä­çe­si­ne my­na­syp bo­lan «akyl­ly» şä­her bar­ha ös­ýär, bar­ha gi­ňe­ýär. Şol bir wag­tyň özün­de onuň hal­ka­ra gi­ňiş­lik­dä­ki ab­ra­ýy hem bar­ha beý­gel­ýär. Ýur­du­my­za ge­len her bir myh­ma­nyň il­ki bi­len ba­ryp gör­mek is­le­ýän ýer­le­ri­niň bi­ri­ne öw­rü­len şä­her gel­jek­de has gül­lär, has gö­zel­le­şer.
Äh­li ba­bat­da nus­ga­lyk Ar­ka­dag şä­he­ri şä­her gur­lu­şy­gy­nyň mil­li nus­ga­sy bo­lup, dün­ýä bi­na­gär­li­gi­niň öň­de­ba­ry­jy ga­za­nan­la­ry­ny we teh­ni­ki üs­tün­lik­le­ri özün­de jem­le­ýär. Dün­ýä ýaň sa­lýan Ar­ka­dag şä­he­ri ýur­du­my­zyň yk­dy­sa­dy kuw­wa­ty­nyň bar­ha art­ýan­dy­gy­ny hem-de ata Wa­ta­ny­my­zyň bagt­ly ýa­şaý­şyň me­ka­ny­dy­gy­ny gör­kez­ýär. Arkadag şä­he­ri bag­ty­ýar­ly­gyň hem-de ro­waç­ly­gyň me­ka­ny­na öw­rül­di. Gys­ga wagt­da bu aja­ýyp şä­he­riň at-ab­ra­ýy, şan-şöh­ra­ty äle­me ýa­ýyl­dy. Bu­la­ryň äh­li­si hem Gahryman Arkadagymyzyň be­ýik iş­le­ri­niň we hormatly Prezidentimiziň dö­wür bi­len aýak­daş dur­mu­şa ge­çir­ýän oý­la­ny­şyk­ly döw­let sy­ýa­sa­ty­nyň ne­ti­je­si­dir.

Hal­ly­gö­zel NUR­BER­DI­ÝE­WA,
Türkmenistanyň Inžener-tehniki we ulag kommunikasiýalary institutynyň talyby.

Gyzykly bolup bilerЕЩЕ ОТ АВТОРА