UEFA Çempionlar Ligasynda çekeleşikli geçen oýunda “Leipsig” Şeşkonyň gollary bilen 2 gezek öňe saýlansa-da, soňky ýarym sagady 1 oýunçy kem oýnan (derwezeçisi De Gregorio gyzyl kart aldy) “Ýuwentus” edil çempionatyň soňky tapgyryndaky ýaly Wlahowçiň 2, Konseýsaunyň 1 goly esasynda 3-2 hasabynda ýeňşini baýram etdi.
“Žirona” topary öz meýdançasynda “Feýenoorddan” 3-2 hasabynda utulyp, ispan klubunyň derwezesinden 2 goly öz oýunçylary geçirdi. “Žirona” UÇL-de yzly-yzyna 2 oýunda awtogollar esasynda utulan ilkinji topar boldy.
