Ispaniýanyň çempionaty “La Liganyň” lideri “Barselona” toparynda 2 ýyldyz futbolçy şikes aldy. Toparyň ýaş ýyldyzy Lamin Ýamalyň şikesi sebäpli 2-3 hepde meýdança çykyp bilmejekdigi habar berildi. Şeýle-de, toparyň polşaly hüjümçisi, şu möwsümdäki iň netijeli hüjümçisi Robert Lewandowskiniň hem 10 gün töweregi toparyna kömegi degmez. Çempionatdaky soňky duşuşygynda “Real Sosiedaddan” 1-0 asgyn gelen “Barselonanyň” ýaş ýyldyzy Ýamal şu möwsümde 6 gol geçirip, 8 goluň pasyny berdi. Lewandowski bolsa ähli ýaryşlary hasaba alanyňda 19 goly derwezä girizdi (2 asist).
