Ussat aktýor Jonni Depp galmagally geçen 6-7 ýyldan soň täzeden Hollywood-a dolanmagyň bosagasynda bolup, ol belli režissýor Mark Webbiň täze filminde surata düşer. Mark Webb “Tomsuň 500 güni” ((500) Days of Summer), “Haýran galdyryjy Möý adam 1-2” (The Amazing Spider-Man) filmleri bilen adygandyr. 61 ýaşyndaky aktýor “Day Drinker” atly bu filmde baş keşbi ispaniýaly aktrisa Penelope Kruz bilelikde paýlaşar. Bu olaryň bilelikdäki 4-nji kinosy bolup, olar mundan öň “Ak närse” (Blow, 2001), “Karib deňziniň garakçylary: ýabany kenarlarda” (Pirates of the Caribbean: On Stranger Tides, 2011) hem-de “Orient ekspressinde jenaýat” (Murder on the Orient Express, 2017) filmlerinde bile işleşipdi. “Lionsgate” studiýasynyň önümi boljak filmiň ssenarisini “Ertirki söweş”, “Forsaž 10” ýaly filmleriň edebini esasynyň awtor Zek Din ýazar. Bu täze filmiň 2018-nji ýyldan bäri Hollywood-yň kinolarynda surata düşmän gelýän Jonni Depp üçin uly gaýdyp geliş ekran eseriniň bolmagyna garaşylýar. Ýylyň iri taslamalarynyň biri bolmagyna garaşylýan filmiň haçan ekranlara goýberiljekdigi häzirlikçe belli däl.
