Ilkinjisi 2002-nji ýylda peýda bolan “Buz eýýamy” (Ice Age) animasiýalar toplumynyň 6-njy ekran eseriniň görkeziljek wagty mälim edildi. “Disney” studiýasynyň garamagyndaky animasiýanyň 6-njy bölümi 2026-njy ýylyň 18-nji dekabrynda ekranlara çykarylar. Animasiýanyň täze bölüminde-de Reý Romano, Jon Leguizamo, Denis Leari, Kuin Latifa ýaly artistleriň ozalky gahrymanlara ses berjekdigi habar berildi.
Ilkinji 5 bölüm öndüriji “Fox”-uň garamagyndaky “Blue Sky Studios” studiýasyna 3,2 milliard dollarlyk girdeji gazandyrypdy. 2019-nji ýylda “Fox”-y satyn alan “Disney” 2021-nji ýylda “Blue Sky Studios”-y ýapypdy.
