Tennis boýunça zenan ýygyndylaryň arasynda geçirilýän “Billie Jean King Cup” ýaryşynda Italiýa çempion boldy. Ispaniýanyň Malaga şäherinde geçirilen final tapgyrynda Italiýanyň ýygyndysy jemleýji duşuşykda Slowakiýa bilen duşuşdy. Geçirilen 2 ýekeleýin duşuşyk ýeňijini kesgitläp, jübütleýin duşuşygyň zerurlygy galmady.
1-nji duşuşykda Luçia Bronzetti Wiktoriýa Hrunçakowany 6:2 we 6:4 hasaplar bilen ýeňlişe sezewar etdi we Italiýanyň ýygyndysy umumy hasapda 1:0 öňe saýlandy. 2-nji duşuşykda Jasmin Paolini Rebekka Şramkowadan 6”2 we 6:1 hasaplar bilen üstün çykdy. Netijede, italiýaly zenanlar 2:0 hasabynda ýeňiş gazanyp, 11 ýyldan soň 5-nji çempionlygyny baýram etdi. Italiýaly tennisçi zenanlar mundan öň 2006-njy, 2009-njy, 2010-njy hem-de 2013-nji ýyllarda bu kubogy eýeläpdi. Şeýlelikde, Italiýa bu ugurda Ispaniýa bilen deňleşdi. Italiýanyň ýygyndysy geçen ýyl finalda kanadaly tennisçilerden asgyn gelipdi.
Italiýanyň ýygyndysynda Jasmin Paolini, Luçia Bronzetti, Sara Errani, Elizabetta Koççiaretto, Martina Trewisan dagy çykyş edip, olar ýarym finalda Polşany, Slowakiýa bolsa Beýik Britaniýany ýeňipdi.
