FIFA tarapyndan gowşurylýan “FIFA The Best” baýraklarynyň dalaşgärleri mälim edildi. Ýylyň iň gowy erkek futbolçysy baýragyna 11 futbolçy dalaşgär görkezildi. Argentinaly super ýyldyz Lionel Messiniň ady nobatdaky gezek hem sanawa alyndy. Erling Holann, Rodri, Winisius Junior, Kilian Mbappe, Florian Wirts, Dani Karwahal, Toni Kroos, Jude Bellingam, Lamin Ýamal, Federiko Walwerde dagy hem beýleki dalaşgärler diýlip kesgitlendi. Geçen möwsümi şwoly netijeler, ýokary statistikalar bilen tamamlan “Interiň” argentinaly hüjümçisi Lautara Martinesiň sanawyň daşynda galdyrylmagyny köpler berk ýazgardy. Ýeňiji geljek ýylyň ýanwar aýynda geçiriljek dabarada mälim ediler.
Dani Karwahal (Ispaniýa) – Real Madrid
Erling Holann (Norwegiýa) – Mançester Siti
Federiko Walwerde (Urugwaý) – Real Madrid
Florian Wirts (Germaniýa) – Baýer
Jud Bellingam (Angliýa) – Real Madrid
Kilian Mbappe (Fransiýa) – PSŽ/Real Madrid
Lamin Yamal (Ispaniýa) – Barselona
Lionel Messi (Argentina) – Inter Maýami
Rodri (Ispaniýa) – Mançester Siti
Toni Kroos (Germaniýa) – Real Madrid
Winisius Junior (Braziliýa) – Real Madrid
