PDF
Angliýanyň çempionatynda 10 oýnuň 6-synda myhmanlar ýeňiş gazandy. Uly hasaply ýeňişleriň bellige alnan tapgyrynda sanawyň lideri “Liwerpul” 9 goluň geçirilen duşuşygynda “Tottenhamdan” 6-3 hasabynda üstün çykdy. Myhmanlaryň gollarynyň 2-sini Luiz Diaz, 2-sini 2 goluň pasyny hem beren Salah, şeýle-de Mak Allister bilen Soboslai geçirdi. Salah APL-niň taryhynda Roždestwodan öň hem golda, hem-de asistde 10-dan ýokary netije görkezen ilkinji futbolçy boldy.
Tapgyryň öz meýdançasynda ýeňiş gazanan ýeke-täk topary “Aston Willa” soňky çempion “Mançester Sitini” Duran hem-de Rojersiň gollary esasynda 2-1 hasabynda ýeňmegi başardy. “Mançester Siti” topary çempionatdaky soňky 8 oýunda 6-njy, umumylykda-da 12-nji duşuşygyndaky 9-njy ýeňlişidir. Bu ýeňlişden soň şäherliler 7-nji orna düşdi.
“Arsenal” öz meýdançasynda “Kristal Palasy” 5-1 hasabynda ýeňip, 2 oýundan soň ýeňiş gazandy. Gollaryň 2-sini Žesus, beýlekileri-de Hawerts, Martinelli hem-de Raýs geçirdi.
“Ipswiçi” 4-0 hasabynda ýeňen “Nýukaslyň” gollarynyň 3-sini Aleksander Isak derwezä girizdi.
Öz meýdançasynda “Bornmut” bilen duşuşan “Mançester Ýunaýted” 3-0 hasabynda asgyn geldi.
Aston Willa – Man. Siti: 2-1 (Duran 16, Rojers 65 – Foden 90+3),
Brentford – N. Forest: 0-2 (Aýna 38, Elanga 51),
Ipswiç – Nýukasl: 0-4 (Isak 1, 45+2, 54, Mörfi 32),
West Ham – Braýton: 1-1 (Kudus 57 – Wiffer 51),
K. Palas – Arsenal: 1-5 (Sarr 11 – Žesus 6, 15, Hawerts 38, Martinelli 60, Raýs 84),
Lester – Wulwerhempton: 0-3 (Gedeş 19, Gomeş 36, Mateus Kunýa 44),
Ewerton – Çelsi: 0-0,
Fulham – Southempton: 0-0,
Man. Ýunaýted – Bornmut: 0-3 (Hýoýsen 29, Kluiwert 61 p, Semenio 63),
Tottenham – Liwerpul: 3-6 (Meddison 41, Kulusewski 72, Solanke 83 – Diaz 23, 85, Mak Allister 36, Soboslai 45+1, Salah 54, 61)
