Italiýanyň çempionaty “Serie A”-da geçen ýekşenbe güni “Milan” kluby “Roma” bilen deňme-deň netijeden soň portugaliýaly tälimçisi Paulo Fonsekany wezipesinden boşatdy. Topar dessine Fonsekanyň ornuna başga bir portugal tälimçisi Seržiu Konseýsauny wezipä belledi. 50 ýaşyndaky hünärmen italýan kluby bilen 2026-njy ýylyň tomsuna çenli şertnama baglaşdy. Konseýsau mundan öň şu tomsa çenli “Porto” toparyna tälim berip gelýärdi. Ol bu klubda 7 ýyl tälimçilik edip, topara 3-si çempionlyk 11 kubok gazandyrypdy. “Olhanense” toparynda tälimçilige başlan Konseýsau “Akademika”, “Braga”, “Witoriýa Gimaraýnş”, “Nant” ýaly klublara-da tälim berdi. Konseýsau futbolçylyk ýyllarynda “Serie A”-da jemi 5,5 möwsüm çykyş edip, ol “Lasio”, “Parma” hem-de “Inter” klublarynyň köýnekçesini geýipdi. Onuň “Milandaky” ilkinji synagy Italiýanyň Super Kubogy ýaryşynyň çäginde şu gije ogly Fransişku Konseýsaunyň çykyş edýän “Ýuwentus” toparynyň garşysyna bolar.

“Milanyň” ozalky tälimçisi 51 ýaşyndaky Fonseka 24 oýunda 12 gezek ýeňiş gazanyp, 6 duşuşykda ýeňlipdi. Myhmançylykda “Interi”, şol sanda Çempionlar Ligasynyň çäginde “Real Madridi” ýeňmegi başaran Fonseka “Milana” tälimçilik eden ilkinji portugaliýaly hünärmendi.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА