Angliýanyň çempionaty “Premier Ligadan” aşaky liga düşjek “Börnli” topary tälimçisini ugratdy. Soňky 5 möwsümde 3-nji gezek aşaky liga barýan topar Skott Parkeriň ornuna Maýkl Jeýms Jeksony tälimçilige belledi. 52 ýaşyndaky iňlis hünärmeni möwsümiň ahyryna çenli topary türgenleşdirer. Maýk Jekson 2022-nji ýylda-da gysga wagtlyk “Börnli toparyna tälim beripdi.

2024-nji ýylyň iýun aýynda “Börnliniň” tälimçiligine bellenen Parker 2 ýyla golaý wagtda 88 oýunda 36 ýeňiş gazandy (28 ýeňliş, 24 deňlik). “Börnli” topary APL-de şu möwsümde 34 oýunda 4 gezek ýeňiş gazanyp, 22-sinde ýeňlişe sezewar boldy. Topar 2021/22 möwsüminde 2-nji liga düşüp, 2023/24 möwsüminde “Premier Liga” çykyp, ýene-de aşaky liga düşüpdi. Täzeden ýokary liga çykan “Börnli” ýene-de täze möwsümi 2-nji ligada geçirmeli bolar.

Gyzykly bolup bilerЕЩЕ ОТ АВТОРА