UEFA Konferensiýa Ligasynda ýarym finalyň 1-nji oýunlarynda çempionlygyň iň esasy faworiti Ukrainanyň “Şahtýor Donesk” topary Krakow şäherinde Angliýanyň “Kristal Palas” topary bilen duşuşdy. Duşuşyň eýýäm 21-nji sekundynda Ismaila Sarr iňlis toparyny öňe geçirdi. Bu gol ýaryşyň taryhyndaky iň çalt gol bolup, ozalky rekord 32 sekunt bilen “Rapid” (Awstriýa) toparynyň oýunçysy Ferdi Druife degişlidi. 2-nji ýarymyň başynda doneskliler Oleg Oçeretkonyň goly bilen hasaby deňlese-de, 58-nji minutda Daiçi Kamadanyň goly esasynda londonlylar ýene öňň geçdi. 84-nji minutda Ýorgen Strand Larsen tapawutlanyp, oýna soňky nokady goýdy. 3-1 hasabynda myhmançylykda ýeňiş gazanan “Kristal Palas” topary finalyň bosagasyndan ilkinji ädimi ätdi.

Ýarym finalyň beýleki duşuşygynda “Raýo Wallekano” öz meýdançasynda Fransiýanyň “Strasbur” toparyny braziliýaly oýunçysy Alemaonyň 54-nji minutda geçiren ýeke-täk goly bilen 1-0 hasabynda utdy.

Jogap duşuşyklary 7-nji maýda geçiriler.

Gyzykly bolup bilerЕЩЕ ОТ АВТОРА