19-22-nji awgust aralygynda geçiriljek “Kids Expo: hemme zat çagalar üçin” atly halkara köpugurly sergi-ýarmarkasy geçiriler. Sergä “Ýaş tebigatçy” jemgyýetçilik guramasy hem gatnaşýar. Serginiň çäginde guramanyň ýörite stendi çagalar we olaryň ene-atalary üçin iň gyzykly, özüne çekiji hem-de ekologiýa sowatlylygy artdyrjak esasy nokatlaryň birine öwrüler. “Ýaş tebigatçy”-nyň stendinde çagalara “Eco Jenga”, “Save the planet springer”, “Eco-themed T-shirt activity”, “Eco sorting”, “Tangram” hem-de “Bu nämäniň ýapragy?” ýaly gyzykly ekooýunlary hödürlär. Şeýle hem galyndylary dogry dolandyrmak boýunça ýörite ussatlyk sapaklary geçiriler. Mundan başga-da, çagalar tejribeli hünärmenleriň gatnaşmagynda dürli ösümlikleri ekip, özlerini hakyky tebigatçy hökmünde duýup bilerler.

Wagtyňyzy peýdaly, gyzykly we ekologiýa taýdan bilimli geçiriň! “Ýaş tebigatçy” sergide size sabyrsyzlyk bilen garaşýar!

Gyzykly bolup bilerЕЩЕ ОТ АВТОРА