Stambulda “Galatasaraýdan” soň “Fenerbahçe” hem ýeňiş gazandy. Ýagyşly howada “Liwerpul” bilen duşuşan “Fenerbahçe” topary 3-2 hasabynda üstün çykdy. Duşuşykda iňlis kluby Nýoniniň (25) hem-de Isakyň (69) gollary bilen 2 gezek öňe geçdi. Ýöne her saparynda jogap beren türk toparynyň gollaryny Grinwud (29), Brawn (73) hem-de Muriki (79) geçirdi. “Fenerbahçe” topary bu ýaryşda 18 ýyldan soň ilkinji ýeňşini baýram etdi.

Soňky ýyllarda telim gezek duşuşan “Leipsig” bilen “Mançester Sitiniň” arasyndaky bu saparky oýun örän çekeleşikli geçdi. Oýunda “Mançester Siti” 3-2 hasabynda ýeňiş gazandy. Lukebanyň 37-nji minutda öz derwezesinden geçiren goluna “Leipsig” topary Bakunyň 49-njy minutdaky goly bilen jogap berdi. Enzo Fernandes iňlisleri 2-nji gezek öňe saýlasa-da, 61-nji minutda Nusa hasaby deňledi. Ýöne Erling Holannyň 78-nji minutda geçiren goluna “Leipsig” jogap berip bilmedi.

Gyzykly bolup bilerЕЩЕ ОТ АВТОРА