Russiýanyň Super Kubogy duşuşygynda “Lokomotiw” toparyny 2-1 hasabynda ýeňen “Zenit” kuboga mynasyp boldy. “Zenite” ýeňiş getiren gollary 14-nji minutda Artýom Dzýuba bilen 69-njy minutda Magomed Ozdoýew derwezä girizdi. Moskwalylaryň ýeke-täk goluny bolsa, 72-nji minutda Wedran Çorluka öz adyna ýazdyrdy. Bu “Zenitiň” 5-nji Super Kubogy bolup, olar SSKA-dan soň 2-nji orny eýeleýär. Şeýle-de bu ýeňiş “Zenitiň” soňky 1 aýdaky 3-nji kubogydyr. Geçen aýyň başlarynda çempionlygyny yglan eden “Zenit” 25-nji iýulda “Himkini” ýeňip, Russiýanyň Kubogyny-da eýeläpdi.
