Russiýanyň Saglygy goraýyş ministrligi tarapyndan taýýarlanan koronawirusa garşy sanjymyň ady mälim edildi. Düýn hasaba alnandygy mälim edilen sanjyma “Sputnik V” diýlip at berildi. Şeýle hem dünýäde 20 ýurduň 1 milliard sanjymy sargyt edendigini mälim edildi. Ýurduň Saglygy goraýyş ministrliginiň ýolbaşçylary bu sanjymyň adamyň üstündäki synaglarynyň iki aýdan bäri dowam edendigini belleýär. Täze sanjymyň önümçiligine indiki aý başlanmagyna garaşylýar. Şu ýylyň ahyrynda ýa-da indiki ýylyň başynda sanjymy sargyt eden döwletlere ibermek göz öňünde tutulýar.
